"Манчестер Юнайтед"нинг собиқ ярим ҳимоячиси Жесси Лингардга МЛСнинг иккита клуби қизиқиш билдирмоқда, деб хабар беради ESPN.
Манбага кўра, Шимолий Америка клублари 29 ёшли англиялик футболчига "ажойиб" шартнома таклиф қилишга тайёр.
Қайд этилишича, ярим ҳимоячи вакиллари билан биргаликда АҚШга ташриф буюриб, таклифларни тингламоқчи.
Айтганча, кафолатланган ўйин вақти Лингард учун энг муҳим омил, чунки у Қатарда бўлиб ўтадиган ЖЧ-2022да Англия терма жамоаси сафида майдонга тушишга умид қилмоқда.
Ўтган мавсумда у манкунианликлар сафида барча турнирларда 21 та ўйинда майдонга тушиб, 2 та гол урди ва битта голли узатмани амалга оширди. Ярим ҳимоячи 2021/22 йилги мавсум якунида эркин агент сифатида клубни тарк этди.