Yarim himoyachi Yusuf Yaziji yozgi transfer oynasida "Lill"ni tark etishi mumkin. Sabah Spor xabariga ko‘ra, 25 yoshli turkiyalik futbolchiga Angliya Premyer-ligasining "Fulxem" va "Nottingem Forest" klublari qiziqish bildirmoqda.
Manbaga ko‘ra, "Lill" turkiyalik futbolchi uchun 13,5 million yevro talab qilmoqda. Muzokaralar davom etmoqda.
Avvalroq, 23 iyun kuni Moskva klubi "Lill" bilan Yazijining doimiy transferi borasida kelisha olmagani haqida xabar bergandi. Turk futbolchi 2021/22 yilgi mavsumning ikkinchi yarmida SSKA safida ijara asosida o‘ynagan.
2021/22 yilgi mavsumda u "qizil-ko‘klar" safida barcha musobaqalarda 12 ta o‘yinda 8 ta gol urdi va 2 ta golli uzatmani amalga oshirdi.