Ярим ҳимоячи Юсуф Язижи ёзги трансфер ойнасида "Лилль"ни тарк этиши мумкин. Sabah Spor хабарига кўра, 25 ёшли туркиялик футболчига Англия Премьер-лигасининг "Фулхэм" ва "Ноттингем Форест" клублари қизиқиш билдирмоқда.
Манбага кўра, "Лилль" туркиялик футболчи учун 13,5 миллион евро талаб қилмоқда. Музокаралар давом этмоқда.
Аввалроқ, 23 июнь куни Москва клуби "Лилль" билан Язижининг доимий трансфери борасида келиша олмагани ҳақида хабар берганди. Турк футболчи 2021/22 йилги мавсумнинг иккинчи ярмида ЦСКА сафида ижара асосида ўйнаган.
2021/22 йилги мавсумда у "қизил-кўклар" сафида барча мусобақаларда 12 та ўйинда 8 та гол урди ва 2 та голли узатмани амалга оширди.
