"Chelsi" himoyachi Sezar Aspilikuetani qanchaga sotishga tayyorligi ma’lum bo‘ldi.

Evening Standard ma’lumotlariga ko‘ra, "ko‘klar" 2012 yilda ispaniyalik futbolchi uchun sarflagan summani 7 million funt sterling (8,27 million yevro) istamoqda. Transferdan manfaatdor bo‘lgan "Barselona" bilan muzokaralar chog‘ida summa kamaytirilishi mumkin.

Aytilishicha, Aspilikueta allaqachon "Barselona" bilan ikki yillik, yiliga 11 million funt sterling (deyarli 13 million yevro) shartnomaga kelishib olgan.

Himoyachi o‘zining transferi haqida bosh murabbiy Tomas Tuxel va "Chelsi" bilan gaplashgan. Nemis mutaxassisi 32 yoshli futbolchini yo‘qotishni istamaydi, ammo "Manchester Siti"dan Natan Ake sotib olingan taqdirda u kelishuvni ma’qullashi mumkin.