"Barselona" Memfis Depayni "Sevilya" himoyachisi Jyul Kunde shartnomasiga qo‘shmoqchi.

AS nashri xabariga ko‘ra, Usmon Dembele bilan yangi shartnoma imzolanganidan so‘ng, Rafinya Diasning transferi va "Bavariya"dan Robert Levandovskining ehtimoliy transferi, Kataloniya klubining rejalarida Depayga o‘rin yo‘qligini ko‘rsatmoqda.

"Barsa" Memfisni "Sevilya" bilan markaziy himoyachi Jyul Kunde bo‘yicha kelishuvga qo‘shmoqchi. Xabar qilinishicha, kataloniyalik futbolchilardan biri kelishuvga kiritilsa, Andalusiya klubi futbolchining narxini pasaytirishi mumkin.

Depayning "Barsa" bilan shartnomasi bir yildan keyin tugaydi. Hujumchi yaxshi obro‘ga ega bo‘lsa-da, uning uchun katta summa to‘lashga tayyor bo‘lgan klubni topish qiyin bo‘ladi.

"Barsa" hujumchiga 20 million yevrolik taklifni qabul qilishini aytdi. Shu bilan birga, klub uning uchun bunday summani olish nihoyatda qiyin bo‘lishini tushunib turibdi.

28 yoshli futbolchi o‘tgan mavsumda Kataloniya klubi safida barcha turnirlarda 37 o‘yinda 13 ta gol urdi va 2 ta golli uzatmani amalga oshirdi.