Poytaxtda o‘quv-yig‘in mashg‘ulotlarida ishtirok etayotgan "Neftchi" klubi himoyachisi Muhsin Ubaydullayev jamoa matbuot xizmatiga intervyu berdi.

— Bugungi o‘yin va birinchi davra haqida firklaringizni o‘rtoqlashsangiz?
— O‘yinimiz yomon bo‘lmadi, tayyorgarlik rosa qizg‘in pallaga kirdi. Ikkinchi davraga yangi murabbiy qo‘l ostida yangi mashg‘ulotlar bilan tayyorgarlik olib boryapmiz. Birinchi davradagi xatolarni ikkinchi davrada takrorlamasdan muxlislarni xursand qilishga harakat qilamiz. Yarim mavsumni Yaypandagi «O‘zbekiston» stadionida o‘tkazdik, endi xudo xohlasa, ikkinchi davrani o‘z uyimizda «Istiqlol» stadionida o‘tkazamiz va muxlislarimizning qo‘llab-quvvatlashi quyi o‘rinlardan chiqib ketishimizga yordam beradi deb o‘ylayman.

— Jamoaga yangi murabbiy kelgandan so‘ng o‘yinda qandaydir taktik jihatdan o‘zgarishlar sezdingizmi?
— Albatta hamma murabbiyning o‘z taktik uslubi bor, xudo hohlasa, ikkinchi davra boshlansa, o‘yinlarda o‘zlaring guvoh bo‘lasizlar.

— Vitaliy Levchenko ko‘proq himoyaga urg‘u bermoqda. Himoyadan hujumga o‘tish uslubi sizga yanada mas’uliyat yuklashi mumkinmi?
— Biz hozircha himoyaviy o‘yin ko‘rsatmadik. Umuman bugun tanaffusdan so‘ng birinchi o‘yinimiz va yaxshi tomonga o‘zgartirishlar bor.

— Muxlislarga tilaklaringiz?
— Bizni qo‘llab quvvatlashda va bizga ishonishda davom etishlarini xohlardim. Hammaga omad, muxlislar sog‘ salomat bo‘lishsin.

«Neftchi» matbuot xizmati.