Пойтахтда ўқув-йиғин машғулотларида иштирок этаётган "Нефтчи" клуби ҳимоячиси Муҳсин Убайдуллаев жамоа матбуот хизматига интервью берди.

— Бугунги ўйин ва биринчи давра ҳақида фиркларингизни ўртоқлашсангиз?
— Ўйинимиз ёмон бўлмади, тайёргарлик роса қизғин паллага кирди. Иккинчи даврага янги мураббий қўл остида янги машғулотлар билан тайёргарлик олиб боряпмиз. Биринчи даврадаги хатоларни иккинчи даврада такрорламасдан мухлисларни хурсанд қилишга ҳаракат қиламиз. Ярим мавсумни Яйпандаги «Ўзбекистон» стадионида ўтказдик, энди худо хоҳласа, иккинчи даврани ўз уйимизда «Истиқлол» стадионида ўтказамиз ва мухлисларимизнинг қўллаб-қувватлаши қуйи ўринлардан чиқиб кетишимизга ёрдам беради деб ўйлайман.

— Жамоага янги мураббий келгандан сўнг ўйинда қандайдир тактик жиҳатдан ўзгаришлар сездингизми?
— Албатта ҳамма мураббийнинг ўз тактик услуби бор, худо ҳоҳласа, иккинчи давра бошланса, ўйинларда ўзларинг гувоҳ бўласизлар.

— Виталий Левченко кўпроқ ҳимояга урғу бермоқда. Ҳимоядан ҳужумга ўтиш услуби сизга янада масъулият юклаши мумкинми?
— Биз ҳозирча ҳимоявий ўйин кўрсатмадик. Умуман бугун танаффусдан сўнг биринчи ўйинимиз ва яхши томонга ўзгартиришлар бор.

— Мухлисларга тилакларингиз?
— Бизни қўллаб қувватлашда ва бизга ишонишда давом этишларини хоҳлардим. Ҳаммага омад, мухлислар соғ саломат бўлишсин.

«Нефтчи» матбуот хизмати.