“Navbahor”ning 1-davrada qayd etgan statistik natijalari bilan tanishtirishda davom etamiz.

O‘zingizga ma’lum, “lochinlar” davralar oralig‘idagi tanaffusga turnir peshqadami sifatida chiqib ketishdi. Albatta, bunday ijobiy natijaga erishish ortida klub rahbariyati, jamoa murabbiylar shtabi va futbolchilarning ulkan mehnatlari samarasi yotibdi.

Ma’lumki, g‘alaba qozonishda gollar bilan birgalikda unga hammualliflik qilgan futbolchilarning roli ham muhim sanaladi.

Xo‘sh, “Navbahor”ning Soca Cola Superligasi 1-davrasidagi gollariga kimlar assistentlik qilishdi?

Xabaringiz bor, Samvel Babayan shogirdlari milliy chempionatimizning birinchi yarmida raqiblar darvozasiga 15 ta gol urishdi. Ushbu gollarning  2 tasi penaltidan, yana ikkitasi esa raqiblar tomonidan qaytarilgan zarbalardan so‘ng, darvoza to‘ridan joy oldi. Qolgan 11 ta golga esa 4 nafar futbolchi hammualliflik qilishdi.

Eng ko‘p assist jamoamizning 25 yoshli mahoratli yarim himoyachisi Jamshid Boltaboyevga tegishli – 4 ta.

Assistentlarning to‘liq ro‘yxati esa quyidagicha ko‘rinishga ega:

Jamshid Boltaboyev – 4 ta

Davronbek Hoshimov, Jamshid Iskanderov – 3 tadan

Nurillo To‘xtasinov – 1 ta.

“Navbahor” PFK matbuot xizmati.