“Навбаҳор”нинг 1-даврада қайд этган статистик натижалари билан таништиришда давом этамиз.

Ўзингизга маълум, “лочинлар” давралар оралиғидаги танаффусга турнир пешқадами сифатида чиқиб кетишди. Албатта, бундай ижобий натижага эришиш ортида клуб раҳбарияти, жамоа мураббийлар штаби ва футболчиларнинг улкан меҳнатлари самараси ётибди.

Маълумки, ғалаба қозонишда голлар билан биргаликда унга ҳаммуаллифлик қилган футболчиларнинг роли ҳам муҳим саналади.

Хўш, “Навбаҳор”нинг Сoca Cola Суперлигаси 1-даврасидаги голларига кимлар ассистентлик қилишди?

Хабарингиз бор, Самвел Бабаян шогирдлари миллий чемпионатимизнинг биринчи ярмида рақиблар дарвозасига 15 та гол уришди. Ушбу голларнинг  2 таси пенальтидан, яна иккитаси эса рақиблар томонидан қайтарилган зарбалардан сўнг, дарвоза тўридан жой олди. Қолган 11 та голга эса 4 нафар футболчи ҳаммуаллифлик қилишди.

Энг кўп ассист жамоамизнинг 25 ёшли маҳоратли ярим ҳимоячиси Жамшид Болтабоевга тегишли – 4 та.

Ассистентларнинг тўлиқ рўйхати эса қуйидагича кўринишга эга:

Жамшид Болтабоев – 4 та

Давронбек Ҳошимов, Жамшид Искандеров – 3 тадан

Нурилло Тўхтасинов – 1 та.

“Навбаҳор” ПФК матбуот хизмати.