“Manchester Yunayted”ning sobiq yarim himoyachisi Jessi Lingard MLS klubi taklifini rad etdi, deb xabar beradi talkSPORT.

Avvalroq, 29 yoshli angliyalik futbolchi uchun ustuvor variant - faoliyatini Premyer-ligada davom ettirish ekanligi va futbolchi 22 iyulgacha yangi klubi borasida bir qarorga kelmoqchi ekani xabar qilingandi. Lingard hozirda erkin agent hisoblanadi.

Yarim himoyachi o‘tgan mavsumda "Manchester Yunayted" safida 21 ta o‘yinda maydonga tushib, 2 ta gol urdi va bitta golli uzatmani amalga oshirdi.

Transfermarkt portali Angliya terma jamoasi futbolchisini 18 million yevroga baholamoqda.