Madridning “Real” klubi yarim himoyachisi Takefusa Kubo “Real Sosyedad”ga o‘tishga yaqin turibdi, deya xabar bermoqda jurnalist Fabrisio Romano.

Manbaga ko‘ra, yaqin orada 21 yoshli yaponiyalik tibbiy ko‘rikdan o‘tadi va shundan so‘ng u jamoa bilan 2027 yilgacha shartnoma imzolaydi. "Real Sosyedad" futbolchining 50 foiz huquqlari uchun 6,5 million yevro to‘lashi xabar qilingandi.

O‘tgan mavsumda futbolchi "Malyorka"da ijara asosida o‘ynagan. U klub safida 30 ta o‘yinda maydonga tushib, 2 ta gol urdi va 3 ta golli uzatmani amalga oshirdi.