Мадриднинг “Реал” клуби ярим ҳимоячиси Такефуса Кубо “Реал Сосьедад”га ўтишга яқин турибди, дея хабар бермоқда журналист Фабрицио Романо.
Манбага кўра, яқин орада 21 ёшли япониялик тиббий кўрикдан ўтади ва шундан сўнг у жамоа билан 2027 йилгача шартнома имзолайди. "Реал Сосьедад" футболчининг 50 фоиз ҳуқуқлари учун 6,5 миллион евро тўлаши хабар қилинганди.
Ўтган мавсумда футболчи "Мальорка"да ижара асосида ўйнаган. У клуб сафида 30 та ўйинда майдонга тушиб, 2 та гол урди ва 3 та голли узатмани амалга оширди.
