Amsterdamning “Ayaks” klubi Germaniyaning “Leypsig” klubidan Brayan Brobbini sotib olish arafasida. Bu haqda jurnalist Fabrisio Romano ijtimoiy tarmoqlarida xabar bermoqda.

Qayd etilishicha, Amsterdam klubi ayni damda «Leypsig» bilan transferning yakuniy tafsilotlarini muvofiqlashtirmoqda. Futbolchining o‘zi "Manchester Yunayted" tomonidan qiziqish bo‘lishiga qaramay, o‘tgan mavsumda ijara asosida o‘ynagan "Ayaks"ga qaytishni istamoqda. Qolaversa, Brobbi Amsterdam jamoasining tarbiyalanuvchisi hisoblanadi.

So‘nggi mavsumda Brobbi Niderlandiya chempionatining 11 o‘yinida 7 ta gol urdi va bitta golli uzatmani amalga oshirdi.