Амстердамнинг “Аякс” клуби Германиянинг “Лейпциг” клубидан Брайан Броббини сотиб олиш арафасида. Бу ҳақда журналист Фабрицио Романо ижтимоий тармоқларида хабар бермоқда.
Қайд этилишича, Амстердам клуби айни дамда «Лейпциг» билан трансфернинг якуний тафсилотларини мувофиқлаштирмоқда. Футболчининг ўзи "Манчестер Юнайтед" томонидан қизиқиш бўлишига қарамай, ўтган мавсумда ижара асосида ўйнаган "Аякс"га қайтишни истамоқда. Қолаверса, Бробби Амстердам жамоасининг тарбияланувчиси ҳисобланади.
Сўнгги мавсумда Бробби Нидерландия чемпионатининг 11 ўйинида 7 та гол урди ва битта голли узатмани амалга оширди.
