“Metallurg” – “Andijon” (4:1) ishtirokidagi o‘rtoqlik uchrashuvidan so‘ng bekobodliklar bosh murabbiyi Luisma Ernandes uchrashuv to‘g‘risidagi fikrlari bilan o‘rtoqlashdi.

“Birinchi navbatda o‘z jamoam to‘g‘risida gapiradigan bo‘lsam, hozirgi kunda tarkibimizda yangi yosh o‘yinchilar bor. O‘shalarni bugungi bellashuvda sinab ko‘rdik. Ularga ishonch bildirgandik va o‘ylashimcha, ishonchni oqlashdi.

Keyingi rejalarimiz Superligada yuqori o‘rinlardan birini egallash. Endi bevosita “Andijon”ga to‘xtalsak, bu raqib pro ligada eng yaxshi jamoalardan biri. Bizga qarshi ajoyib o‘yin ko‘rsatishdi”, - dedi Ernandes.