“Металлург” – “Андижон” (4:1) иштирокидаги ўртоқлик учрашувидан сўнг бекободликлар бош мураббийи Луисма Эрнандес учрашув тўғрисидаги фикрлари билан ўртоқлашди.
“Биринчи навбатда ўз жамоам тўғрисида гапирадиган бўлсам, ҳозирги кунда таркибимизда янги ёш ўйинчилар бор. Ўшаларни бугунги беллашувда синаб кўрдик. Уларга ишонч билдиргандик ва ўйлашимча, ишончни оқлашди.
Кейинги режаларимиз Суперлигада юқори ўринлардан бирини эгаллаш. Энди бевосита “Андижон”га тўхталсак, бу рақиб про лигада энг яхши жамоалардан бири. Бизга қарши ажойиб ўйин кўрсатишди”, - деди Эрнандес.
