"Bavariya" yetakchisi Tomas Myuller Robert Levandovskining "Barselona"ga ketishi qanday o‘zgarishlarga olib kelishi haqida o‘z fikri bilan o‘rtoqlashdi.
"Barcha tomonlar Levandovskining ketishi yaxshiroq degan fikrga kelishdi - va buning sabablari bor edi.
Albatta, bir mavsumda doimiy ravishda 30-50 ta gol urgan futbolchi ketganidan keyin nima kutilishini bilmaymiz.
Ammo Levandovski ketishi bilan biz o‘n kishi bilan maydonda qolib ketmaymiz. Ha, biz uni ko‘p o‘ynatardik, ammo endi boshqa futbolchilarda ham hujumlarni yakunlash uchun ko‘proq imkoniyatlar bo‘ladi", - deydi nemis.
