"Real Madrid" bosh murabbiyi Karlo Anchelotti jamoaning "Barselona"ga qarshi o‘rtoqlik uchrashuvidagi o‘yini haqida fikr bildirdi.

“Yaxshi o‘yin. Jamoa uslubiga moslashish uchun yangi futbolchilardan foydalanishga harakat qildim. Biz tengma-teng o‘ynadik. Menga kuchli raqiblar bilan o‘ynash yoqadi.

Avvaliga ikkinchi raqam sifatida o‘ynadik, biroz qiynaldik. Shubhasiz, Kazemiro, Kroos va Modrichni olib kelsangiz, bu osonlashadi, lekin men yoshlarni jalb qilmoqchi edim. Jamoaning himoyadagi o‘yinidan mamnun bo‘ldim. "Real Madrid"ning tarkibi zich, bizda o‘yinchilar ko‘p. Bu tarkib o‘tgan mavsumga qaraganda yaxshiroq. Biz mashg‘ulotlarning intensivligini oshirdik. Biz ishlashda davom etamiz”, - deydi Anchelotti.

Eslatib o‘tamiz, "Barselona" va "Real Madrid" o‘rtasidagi uchrashuv Las-Vegasdagi (AQSH) "Ellijiant" stadionida bo‘lib o‘tdi va kataloniyaliklarning 1:0 hisobidagi g‘alabasi bilan yakunlandi.