"Barselona" "Sevilya" himoyachisi Jyul Kundedan sabrli bo‘lishni va kataloniyaliklar 23 yoshli fransiyalik futbolchining transfer narxini hal qilishlarini kutishlarini so‘ramoqda. Bu haqda The Independent xabar bermoqda.
Kundening o‘zi "Barselona"ga o‘tish istagida bo‘lishiga qaramay, "Chelsi"ga o‘tishga qarshi emas. Londonliklar fransuz uchun kataloniyaliklardan ko‘ra ko‘proq narsani taklif qilishadi.
O‘tgan mavsumda Kunde "Sevilya" safida barcha musobaqalarda 44 o‘yinda 3 ta gol urdi va 1 ta golli uzatmani amalga oshirdi. Himoyachining amaldagi shartnomasi 2024 yilgacha mo‘ljallangan.
