"Барселона" "Севилья" ҳимоячиси Жюл Кундедан сабрли бўлишни ва каталонияликлар 23 ёшли франциялик футболчининг трансфер нархини ҳал қилишларини кутишларини сўрамоқда. Бу ҳақда The Independent хабар бермоқда.
Кунденинг ўзи "Барселона"га ўтиш истагида бўлишига қарамай, "Челси"га ўтишга қарши эмас. Лондонликлар француз учун каталонияликлардан кўра кўпроқ нарсани таклиф қилишади.
Ўтган мавсумда Кунде "Севилья" сафида барча мусобақаларда 44 ўйинда 3 та гол урди ва 1 та голли узатмани амалга оширди. Ҳимоячининг амалдаги шартномаси 2024 йилгача мўлжалланган.
