"Arsenal" "Yuventus" yarim himoyachisi Arturga qiziqish bildirmoqda, deb xabar beradi Daily Express.
Manbaga ko‘ra, "kanonirlar" 25 yoshli futbolchini sotib olish opsiyasi bilan bir yilga ijaraga olmoqchi. Tomonlar allaqachon ehtimoliy kelishuvni muhokama qilishmoqda. Arturning o‘zi "Arsenal"ga o‘tishdan xursand bo‘lardi.
O‘tgan mavsumda braziliyalik futbolchi turinliklar safida 31 ta o‘yinda maydonga tushib, 1 ta golli uzatmani amalga oshirgan.
Artur 2020 yilning kuzida Ispaniyaning "Barselona"sidan "Yuventus"ga o‘tgan edi. Transfer summasi 76 million yevroni tashkil qilgan. Braziliya terma jamoasi futbolchisi va Italiya klubi o‘rtasidagi amaldagi kelishuv 2025 yilning yoziga qadar tuzilgan.
