"Арсенал" "Ювентус" ярим ҳимоячиси Артурга қизиқиш билдирмоқда, деб хабар беради Daily Express.
Манбага кўра, "канонирлар" 25 ёшли футболчини сотиб олиш опцияси билан бир йилга ижарага олмоқчи. Томонлар аллақачон эҳтимолий келишувни муҳокама қилишмоқда. Артурнинг ўзи "Арсенал"га ўтишдан хурсанд бўларди.
Ўтган мавсумда бразилиялик футболчи туринликлар сафида 31 та ўйинда майдонга тушиб, 1 та голли узатмани амалга оширган.
Артур 2020 йилнинг кузида Испаниянинг "Барселона"сидан "Ювентус"га ўтган эди. Трансфер суммаси 76 миллион еврони ташкил қилган. Бразилия терма жамоаси футболчиси ва Италия клуби ўртасидаги амалдаги келишув 2025 йилнинг ёзига қадар тузилган.
