Lionel Messi yana "Barselona" libosini kiyishi mumkin. OAV ma’lumotlariga ko‘ra, Kataloniya jamoasi bosh murabbiyi Xavi klub prezidenti Joan Laportadan Messini qaytarishni so‘ragan. Aftidan, gap keyingi bir necha oylar haqida emas, balki argentinalik yulduz erkin agentga aylanishi mumkin bo‘lgan keyingi yoz haqida ketmoqda.
Ispaniya OAVsi "Barselona" prezidenti Joan Laporta futbolchini qaytarish uchun qanday qadamlar qo‘yishini taxmin qilgan. Manbalarga ko‘ra, "ko‘k-anorranglilar" rahbari Messining atrofidagilar bilan aloqalarni o‘rnatadi va boshqa narsalar qatorida futbolchining otasi bilan tasodifiy uchrashuvlar izlaydi. Laporta tushunadiki, argentinalik futbolchining o‘tgan yilgi ketgani uchun muxlislar va klubdagilar undan xafa, shuning uchun munosabatlarni yaxshilash kerak.
Bundan tashqari, Joan Laporta yaqin kelajakda "Barselona"da kuchli va raqobatbardosh jamoa qurmoqchi. Agar u amalga oshsa, bu Lionel Messi uchun ishonchli dalil bo‘ladi.
