Fransiya terma jamoasi himoyachisi va “RB Leypsig” klubi himoyachisi Nordi Mukiyelening “PSJ” klubiga transferi yakunlandi. Bu haqda ijtimoiy tarmoqlarda nufuzli insayder Fabrisio Romano ma’lum qildi.
Jurnalistning so‘zlariga ko‘ra, barcha kerakli hujjatlar klublar tomonidan imzolangan. Tez orada transfer haqida rasman e’lon qilinishi kutilmoqda.
Mukiyele 2018 yildan beri Germaniya Bundesligasida o‘ynab kelmoqda. 24 yoshli himoyachi “RB Leypsig” safida 145 o‘yin o‘tkazib, 10 gol va 11 golga assistentlik qilgan.
Nordining transfer narxi 20 million yevroga baholanmoqda.