"Liverpul" murabbiylar shtabi himoyachi Trent Aleksandr-Arnoldning kelajakda jamoa sardori bo‘lish uchun barcha imkoniyatlari bor deb hisoblamoqda.

Avvalroq, ingliz klubi futbolchilari sardorlik bog‘ichini taqishga tayyor futbolchiga ovoz berishgandi. Himoyachi ushbu ro‘yxatda birinchilardan bo‘ldi.

"15 yoshida ham u tabiiy texnik iste’dodga ega edi. U menga yoqadigan barcha fazilatlarga ega edi: g‘alabaga bo‘lgan munosabat, yaxshilanishga bo‘lgan ishtiyoq, lekin ba’zida uning his-tuyg‘ulari ulardan ustun bo‘lardi", - dedi "Liverpul" murabbiyi Pep Leynders.

Biroq murabbiylar shtabi o‘tgan yillar davomida Aleksandr-Arnold o‘zida yetakchilik fazilatlarini shakllantira olgani va kelajakda u bundan ham katta mas’uliyatni o‘z zimmasiga olishga tayyor ekanini ta’kidladi.

Futbolchi o‘tgan mavsumda Premyer-ligada 32 ta o‘yinda maydonga tushib, 2 ta gol urdi va 12 ta golli uzatmani amalga oshirdi.