"Barselona"ning sobiq yarim himoyachisi Jerar Lopes "PSJ" hujumchisi Lionel Messining Kataloniya klubiga qaytishi mumkinligi haqidagi fikrlari bilan o‘rtoqlashdi.
- Xavi Lionel Messini qaytarishni xohlayotganini eshitdingizmi?
- Menimcha, Leo ketishi bilanoq, “Barselona”dagilarning barchasi uni qanday qilib tezroq qaytarib olish haqida o‘ylashdi. Messi "Barselona"ning haqiqiy ramzi, tarix odami. Xavi uni qaytarishni xohlayotgani men uchun ajablanarli emas. Bu muhim voqea bo‘lishi mumkin.
- Bu qanchalik haqiqat?
- Buni hukm qilish men uchun qiyin. Joan Laporta ham bu qaytishni juda xohlaydi, ammo klubdagi moliyaviy ahvol oson emas va "PSJ" Messini shundoq tekinga qo‘yib yubormaydi. Bir yildan so‘ng, Leo erkin agentga aylanganda "Barselona"ga qaytishiga ishonaman.
- Futbol nuqtai nazaridan, bunday transfer yordam beradimi?
- Bu hatto muhokama qilinmaydi! Messi har qanday jamoaga foydali bo‘ladigan ajoyib o‘yinchi. U bilan har qanday klub usiz umuman boshqacha ko‘rinadi. U qandaydir tarzda "Barselona" rivojlanishiga xalaqit berishi mumkin deb o‘ylamasligingiz kerak. Leo shu qadar dahoki, u ilgari o‘ynaganidan boshqacha o‘ynay oladi. U markazga yaqinroq harakat qiladi, hujumlarni tashkil qiladi, gollarga assistentlik qiladi. U uzoq vaqtdan beri o‘zini Inyesta yoki Xavi kabi futbolchi sifatida faoliyatini yakunlashiga yaqinroq ko‘rayotganini aytib keladi va shunday bo‘ladi», - dedi Lopes.
Oldinroq "Barselona" bosh murabbiyi Xavi Messining qaytishi hozircha imkonsiz ekanini aytgan, ammo kelajakda bu sodir bo‘lishi mumkinligini ham inkor etmagandi.
Eslatib o‘tamiz, Messi o‘tgan yilning avgust oyida ispan klubidan "PSJ"ga o‘tgan edi. 35 yoshli argentinalik futbolchi o‘tgan mavsumda Parijliklar safida 34 ta o‘yinda maydonga tushib, 11 ta gol urdi va 15 ta golli uzatmani amalga oshirdi.
Messining Parij klubi bilan amaldagi shartnomasi kelasi yozgacha amal qiladi. Transfermarkt portali Argentina terma jamoasi futbolchisining narxini 50 million yevroga baholamoqda.
