“Lill” markaziy yarim himoyachisi Renatu Sanshesh Fransiya poytaxtiga ko‘chib o‘tish arafasida.

Bir necha kun avval ma’lum bo‘lishicha, portugaliyalik futbolchi parijliklar bilan shaxsiy shartnoma shartlarini kelishib olgan, biroq transfer summasi borasida klublar o‘rtasida kelishmovchiliklar mavjud.

Foot Mercato xabariga ko‘ra, endi "Lill" va "PSJ" deyarli barcha masalalarda kelishib olishga muvaffaq bo‘lishgan. Transferni yakunlash uchun faqat bir nechta tafsilotlarni hal qilish kerak xolos.

Renatu Sansheshning transfer narxini 28 million yevroga baholamoqda. 24 yoshli yarim himoyachining “Lill” bilan shartnomasi kelasi yili yakuniga yetadi.