"Vest Xem" bosh murabbiyi Devid Moyes "Sassuolo" hujumchisi Janluka Skamakkaning transferi haqida fikr bildirdi. 23 yoshli italiyalik London klubi bilan 5 yillik shartnoma imzoladi.
“Biz bir muncha vaqt hujumdagi imkoniyatlarimizga ko‘proq kuch qo‘shmoqchi edik, shuning uchun Janluka jamoaga qo‘shilganidan xursandmiz. U o‘zini juda yaxshi ko‘rsatdi va biz birgalikda ishlash imkoniyatini intiqlik bilan kutamiz. U yosh markaziy hujumchi, uni haqiqatda porloq kelajak kutmoqda", - deya Moyesning so‘zlarini keltirgan klub matbuot xizmati.
O‘tgan mavsumda Skamakka barcha musobaqalarda 38 ta o‘yinda 16 ta gol urdi va 1 ta golli uzatmani amalga oshirdi.
