"Вест Хэм" бош мураббийи Девид Мойес "Сассуоло" ҳужумчиси Жанлука Скамакканинг трансфери ҳақида фикр билдирди. 23 ёшли италиялик Лондон клуби билан 5 йиллик шартнома имзолади.
“Биз бир мунча вақт ҳужумдаги имкониятларимизга кўпроқ куч қўшмоқчи эдик, шунинг учун Жанлука жамоага қўшилганидан хурсандмиз. У ўзини жуда яхши кўрсатди ва биз биргаликда ишлаш имкониятини интиқлик билан кутамиз. У ёш марказий ҳужумчи, уни ҳақиқатда порлоқ келажак кутмоқда", - дея Мойеснинг сўзларини келтирган клуб матбуот хизмати.
Ўтган мавсумда Скамакка барча мусобақаларда 38 та ўйинда 16 та гол урди ва 1 та голли узатмани амалга оширди.
