"Lester" Uesli Fofana uchun 70 million funt sterling narx belgiladi. Bu haqda CBC Sport xabar bermoqda.
Manbaga ko‘ra, 21 yoshli fransiyalik futbolchining xizmatlariga "Chelsi" qiziqish bildirmoqda. Biroq, "tulkilar" bosh murabbiyi Brendan Rojers umidli futbolchini yo‘qotish niyatida emas.
Shuningdek, hech bir klub mart oyida 2027 yilning yoziga qadar yangi uzoq muddatli shartnoma imzolagan Fofanani sotib olish taklifi bilan “Lester”ga rasman murojaat qilmagani qayd etilgan.
Himoyachi o‘tgan mavsumda "Lester" safida barcha turnirlarda 11 ta o‘yinda maydonga tushib, 1 ta gol urgan.
