"Lids" "Sporting" jamoasiga yarim himoyachi Mateus Nunes borasida so‘rov yubordi. "Lids" bosh murabbiyi Jessi Marsh Kalvin Fillipsni "Manchester Siti"ga sotganidan keyin markaziy yarim himoyani kuchaytirishga harakat qilmoqda.
Nunes bu rolga nomzodlardan biri. Biroq “Sporting” rahbariyati avvalroq futbolchini 50 million yevrodan kamiga qo‘yib yubormasligini ma’lum qilgandi.
Qolaversa, Nunesning o‘zi ham bir muddat oldin Premyer-liga klublaridan tushgan bir qancha takliflarni rad etgan, chunki u Chempionlar ligasida o‘ynashni xohlaydi.
Portugaliyalik yarim himoyachiga "Liverpul" ham qiziqish bildirmoqda.
Futbolchi o‘tgan mavsumda Portugaliya chempionatida 33 ta o‘yinda maydonga tushib, 3 ta gol urdi va 2 ta golli uzatmani amalga oshirdi.