"Лидс" "Спортинг" жамоасига ярим ҳимоячи Матеус Нунес борасида сўров юборди. "Лидс" бош мураббийи Жесси Марш Калвин Филлипсни "Манчестер Сити"га сотганидан кейин марказий ярим ҳимояни кучайтиришга ҳаракат қилмоқда.
Нунес бу ролга номзодлардан бири. Бироқ “Спортинг” раҳбарияти аввалроқ футболчини 50 миллион евродан камига қўйиб юбормаслигини маълум қилганди.
Қолаверса, Нунеснинг ўзи ҳам бир муддат олдин Премьер-лига клубларидан тушган бир қанча таклифларни рад этган, чунки у Чемпионлар лигасида ўйнашни хоҳлайди.
Португалиялик ярим ҳимоячига "Ливерпуль" ҳам қизиқиш билдирмоқда.
Футболчи ўтган мавсумда Португалия чемпионатида 33 та ўйинда майдонга тушиб, 3 та гол урди ва 2 та голли узатмани амалга оширди.
