"Barselona"ning yangi futbolchisi Robert Levandovski "Bavariya"dan ketishi haqida fikr bildirdi. Polshalik hujumchi norvegiyalik Erling Xolandning Myunxenga ko‘chib o‘tishi haqidagi ma’lumotlar unga ta’sir qildimi, degan savolga javob berdi.

"Xolandning potensial kelishuvi haqidagi ma’lumotlar qarorimga ta’sir qildimi? Mutlaqo yo‘q, uning umuman ahamiyati yo‘q edi. Erling "Bavariya"ga o‘tsa, men bunda umuman muammo ko‘rmasdim», - dedi futbolchi ESPN bilan suhbatda.

Levandovski 45 million yevro evaziga "Barselona"ga ko‘chib o‘tdi. 33 yoshli to‘purar "ko‘k-anorranglilar" bilan to‘rt yillik mehnat shartnomasini imzoladi.