"Барселона"нинг янги футболчиси Роберт Левандовски "Бавария"дан кетиши ҳақида фикр билдирди. Польшалик ҳужумчи норвегиялик Эрлинг Холанднинг Мюнхенга кўчиб ўтиши ҳақидаги маълумотлар унга таъсир қилдими, деган саволга жавоб берди.
"Холанднинг потенциал келишуви ҳақидаги маълумотлар қароримга таъсир қилдими? Мутлақо йўқ, унинг умуман аҳамияти йўқ эди. Эрлинг "Бавария"га ўтса, мен бунда умуман муаммо кўрмасдим», - деди футболчи ESPN билан суҳбатда.
Левандовски 45 миллион евро эвазига "Барселона"га кўчиб ўтди. 33 ёшли тўпурар "кўк-анорранглилар" билан тўрт йиллик меҳнат шартномасини имзолади.
