"Milan" Londonning "Chelsi" klubi yarim himoyachisi Hakim Ziyesh transferi bo‘yicha yangi taklifini bildirishdi. Calciomercato xabariga ko‘ra, "rossonerilar" avgust oyining ikkinchi yarmida futbolchi uchun taklif bilan qaytishadi.
Sababi, "Milan" shu vaqtga qadar bir nechta o‘yinchilarning maoshlarini tushirish uchun ular bilan xayrlashishni rejalashtirmoqda. Shu bilan birga, Ziyeshning “San-Siro”ga ko‘chib o‘tishi faqat sotib olish opsiyasi bilan ijara asosida amalga oshirilishi mumkin.
Ziyeshning o‘zi hamon "Chelsi" bilan mashg‘ulotlarda davom etmoqda. Bugun ertalab marokashlik “ko‘klar” safida “Udineze”ga qarshi o‘rtoqlik o‘yinida maydonga tushib, penaltidan gol urdi.
