"Милан" Лондоннинг "Челси" клуби ярим ҳимоячиси Ҳаким Зиеш трансфери бўйича янги таклифини билдиришди. Calciomercato хабарига кўра, "россонерилар" август ойининг иккинчи ярмида футболчи учун таклиф билан қайтишади.
Сабаби, "Милан" шу вақтга қадар бир нечта ўйинчиларнинг маошларини тушириш учун улар билан хайрлашишни режалаштирмоқда. Шу билан бирга, Зиешнинг “Сан-Сиро”га кўчиб ўтиши фақат сотиб олиш опсияси билан ижара асосида амалга оширилиши мумкин.
Зиешнинг ўзи ҳамон "Челси" билан машғулотларда давом этмоқда. Бугун эрталаб марокашлик “кўклар” сафида “Удинезе”га қарши ўртоқлик ўйинида майдонга тушиб, пенальтидан гол урди.
