Yozgi transfer oynasi yopilishi arafasida “Andijon” klubi Superliganing tajribali hujumchilaridan biri Zafar Polvonov bilan kelishuvga erishdi.
37 yoshli futbolchi oxirgi besh mavsumni AGMK tarkibida o‘tkazgan bo‘lib, ushbu jamoaning muvaffaqiyatlariga salmoqli hissa qo‘shdi.
U faoliyati davomida “Sho‘rtan”, “Nasaf”, “Xorazm”, “Dinamo” kabi klublarda ham to‘p surgan.
Eslatib o‘tamiz, bungacha jamoa Suhrob Berdiyev bilan ham shartnoma imzolagani haqida xabar berib o‘tganmiz. Shuningdek, U-19 jamoasidan iqtidorli futbolchi Asilbek Aysarov ham asosiy tarkibga qo‘shildi.
