Ёзги трансфер ойнаси ёпилиши арафасида “Андижон” клуби Суперлиганинг тажрибали ҳужумчиларидан бири Зафар Полвонов билан келишувга эришди.

37 ёшли футболчи охирги беш мавсумни АГМК таркибида ўтказган бўлиб, ушбу жамоанинг муваффақиятларига салмоқли ҳисса қўшди.

У фаолияти давомида “Шўртан”, “Насаф”, “Хоразм”, “Динамо” каби клубларда ҳам тўп сурган.

Эслатиб ўтамиз, бунгача жамоа Суҳроб Бердиев билан ҳам шартнома имзолагани ҳақида хабар бериб ўтганмиз. Шунингдек, U-19 жамоасидан иқтидорли футболчи Асилбек Айсаров ҳам асосий таркибга қўшилди.