"Yuventus" va "Barselona" Memfis Depayning Turinga o‘tish ehtimolini muhokama qilmoqda.
Niderlandiyalik hujumchi "Barselona"ga yangi yulduzlar kelganidan keyin asosiy jamoa o‘yinchisi sifatida ko‘rilmaydi va klub bu yozda uning ketishiga umid qilmoqda.
Kataloniyaliklar 28 yoshli futbolchini 15-20 millionga baholamoqda, ammo kelasi yozda tugaydigan shartnoma uni yon berishga majbur qilishi mumkin. "Yuventus" o‘z navbatida keyinchalik sotib olish imkoniyati bilan forvard bilan ijara shartnomasini tuzishni ma’qul ko‘rmoqda, deya xabar beradi Italiya OAVlari.
Memfis Depay o‘tgan yozda "Lion"dan erkin agent sifatida "Barselona" jamoasiga qo‘shildi. Uning hisobida 37 o‘yinda 13 gol bor.
