"Torino"ning sobiq hujumchisi, endilikda erkin agent bo‘lgan Andrea Belotti yangi klubi borasida bir qarorga keldi.
La Repuplica xabariga ko‘ra, 28 yoshli italiyalik hujumchi "Roma"ga o‘tadi. Tomonlar muzokaralar olib bordi va hamkorlik shartlarini kelishib oldi. Oldinroq, Belottining "bo‘rilar" bilan shartnomasi 3 yilga mo‘ljallangani, maoshi esa uch million yevro atrofida bo‘lishi xabar qilingandi.
Andrea “Torino”da yetti mavsum o‘ynadi. Umuman olganda, hujumchi jamoasi safida 251 ta o‘yin o‘tkazib, 113 ta gol urgan va 28 ta golli uzatmani amalga oshirgan.
