"Торино"нинг собиқ ҳужумчиси, эндиликда эркин агент бўлган Андреа Белотти янги клуби борасида бир қарорга келди.
La Repuplica хабарига кўра, 28 ёшли италиялик ҳужумчи "Рома"га ўтади. Томонлар музокаралар олиб борди ва ҳамкорлик шартларини келишиб олди. Олдинроқ, Белоттининг "бўрилар" билан шартномаси 3 йилга мўлжаллангани, маоши эса уч миллион евро атрофида бўлиши хабар қилинганди.
Андреа “Торино”да етти мавсум ўйнади. Умуман олганда, ҳужумчи жамоаси сафида 251 та ўйин ўтказиб, 113 та гол урган ва 28 та голли узатмани амалга оширган.
