Angliyaning "Nottingem Forest" klubi "Shtutgart" yarim himoyachisi Orel Mangalyani sotib oldi.
Premyer-liganing debyutanti 24 yoshli yarim himoyachining shartnomasi qancha muddatga mo‘ljallanganiga aniqlik kiritmadi. Buning uchun 12,7 million funt (15 million yevro) to‘lagani xabar qilingandi.
Belgiyalik futbolchi bu yozda "Nottingem"ning 12-yangi xaridiga aylandi. Joriy transfer oynasi uchun ushbu transferni hisobga olganda, ingliz klubi 73,5 million funt (deyarli 87 million yevro) sarflagan.
24 yoshli himoyachi o‘tgan mavsumda "Shtutgart" safida barcha musobaqalarda 29ta o‘yinda maydonga tushib, 1ta gol urgan. Mart oyida u Belgiya terma jamoasida Irlandiyaga qarshi debyut qildi.
