Англиянинг "Ноттингем Форест" клуби "Штутгарт" ярим ҳимоячиси Орель Мангальяни сотиб олди.
Премьер-лиганинг дебютанти 24 ёшли ярим ҳимоячининг шартномаси қанча муддатга мўлжалланганига аниқлик киритмади. Бунинг учун 12,7 миллион фунт (15 миллион евро) тўлагани хабар қилинганди.
Бельгиялик футболчи бу ёзда "Ноттингем"нинг 12-янги харидига айланди. Жорий трансфер ойнаси учун ушбу трансферни ҳисобга олганда, инглиз клуби 73,5 миллион фунт (деярли 87 миллион евро) сарфлаган.
24 ёшли ҳимоячи ўтган мавсумда "Штутгарт" сафида барча мусобақаларда 29та ўйинда майдонга тушиб, 1та гол урган. Март ойида у Бельгия терма жамоасида Ирландияга қарши дебют қилди.
