Italiyaning IlTempo nashri xabariga ko‘ra, "Tottenxem" himoyachisi Yafet Tangangaga "Roma" qiziqish bildirmoqda.
Manbaga ko‘ra, "Roma" bosh murabbiyi Joze Mourinyo markaziy himoya chizig‘ini "shporlar"da birga ishlagan 23 yoshli futbolchi bilan mustahkamlamoqchi.
Avvalroq, "Milan" Tangangani sotib olish imkoniyati bilan ijaraga olmoqchiligi haqida xabar berilgandi.
Tanganga “Tottenxem” tarbiyalanuvchisi hisoblanadi. Futbolchi o‘tgan mavsumda jamoaning 19ta uchrashuvida qatnashib, samarali harakatlari bilan gol ura olmadi.
Transfermarkt.com portali futbolchini 12 million yevroga baholamoqda.
