Londonning “Fulxem” klubi yozda klub ro‘yxatini o‘zgartirmoqchi bo‘lgan senegallik himoyachi Abdu Dialloni qo‘lga kiritish uchun kurashga qo‘shildi.

But! nashri xabariga ko‘ra, 26 yoshli senegallik futbolchini Londonning boshqa klubi, ya’ni "Vest Xem" o‘z safiga qo‘shib olish uchun kurashda qatnashishga tayyor. Parij klubi yangi mavsumda Diallo bilan hisoblashmaydi, himoyachining o‘zi esa boshqa jamoaga o‘tishga qarshi emas. Senegallikning transfer narxi 18 million yevroga baholanmoqda.

O‘tgan mavsumda Abdu Diallo "PSJ" bilan Fransiya chempionatida 12ta o‘yinda maydonga tushib, bitta golli uzatmani amalga oshirgan.