Londonning “Chelsi” klubi “Chikago Fayr” jamoasining amerikalik yosh darvozaboni Gabriel Slonina bilan uzoq muddatli shartnoma imzoladi.
Nufuzli insayder Fabrisio Romanoning xabar berishicha, 18 yoshli amerikalik tibbiy ko‘rikdan o‘tgan va London klubi bilan uzoq muddatli olti yillik shartnoma imzolagan. "Ko‘klar" Slonina uchun 15 million yevroga yaqin mablag‘ ajratishdi, ammo yaqin kelajakda darvozabon MLSda "Chikago" jamoasida ijara asosida o‘ynashda davom etadi.
Bu yil Gabriel Slonina MLSda "Chikago Fayr" safida 21 ta uchrashuv o‘tkazdi, shulardan 11 tasida u gol o‘tkazmagan.
