"PSJ" sobiq bosh murabbiyi Maurisio Pochettino 2021/22 yilgi mavsumda jamoaning Chempionlar ligasini tark etishi haqidagi fikrlari bilan o‘rtoqlashdi. 50 yoshli argentinalik mutaxassisning fikriga ko‘ra, "Real" parijliklar tomonidan ma’lum sharoitlarda turnirdan chiqarib yuborilishi mumkin edi.
“PSJ” o‘tgan mavsum 1/8 finalning birinchi o‘yinida “Real”ni 1:0 hisobida mag‘lub etgan bo‘lsa, javob o‘yinida 3:1 hisobida mag‘lub bo‘lgandi.
"Santyago Bernabeu"da "Real" bilan o‘yinning so‘nggi o‘ttiz daqiqasi haqida ko‘p gaplar bo‘ldi, hozir "PSJ" psixologni jalb qilish imkoniyatini muhokama qilmoqda. Yaqinda Xorxe Valdano o‘sha o‘ttiz daqiqa futbol emas, balki boshqa darajadagi, psixologik jihatdan qo‘rquvga yaqinroq narsa ekanligini aytdi" - dedi Pochettino.
Murabbiy futbolda nazorat qilib bo‘lmaydigan holatlar borligini ta’kidladi.
“Menimcha, bu Benzemaning Donnarummaga nisbatan o‘yin qoidasini buzgani edi. Agar VAR epizodni ko‘rganida edi, hozir biz "Real"ning "PSJ"ga mag‘lub bo‘lib, Chempionlar ligasini tark etishi haqida gapirayotgan bo‘lardik. Lekin bu "Real "ga ishonch, kuch bag‘ishlagan edi. Qayerdadir xato qilganimiz mantiqan to‘g‘ri, lekin bu futbol, futbol tahlilidan nariga o‘tmasligimiz kerak”, - dedi u.
7 iyul kuni Parij klubi Pochettinoni istefoga chiqarganini e’lon qildi.
