"PSJ" sobiq bosh murabbiyi Maurisio Pochettino Parij klubi loyihasini APL klublari bilan solishtirdi.
7 iyul kuni "PSJ" 50 yoshli argentinalik murabbiyni iste’foga chiqarganini e’lon qilgandi.
"Liverpul" va "Manchester Siti" uzoq muddatli loyihaga ishonishadi va murabbiyga imkoniyat berishadi". "PSJ" va men 15 ochko farq bilan Liga 1da g‘alaba qozondik, ammo "Real" tomonidan Chempionlar ligasidan chiqarib yuborildik va albatta, muammolar bo‘lishini tushundik. "Manchester Siti" "Real"ga mag‘lub bo‘ldi, besh daqiqa ichida uchta gol o‘tkazib yubordi, lekin keyingi hafta Xoland bilan shartnoma imzoladi, murabbiyga qayta kashf qilish, yechim topish va Premyer-ligada g‘alaba qozonish imkoniyatini berdi" - dedi Pochettino.
Murabbiy har doim klub loyihalarini solishtirishga harakat qilishini ta’kidladi.
“Loyihalar turli xil bo‘ladi. "Manchester Siti" yetti yildan beri bir murabbiyga ishonib keladi, "PSJ" esa zudlik bilan g‘alaba qozonib, milliy chempionatda emas, Chempionlar ligasida g‘alaba qozonishi kerak. Bu boshqacha va men buni qabul qilaman. Bu tanqid emas. "PSJ"ga kelganimizda, agar bu loyihani davom ettirishni istasak, Chempionlar ligasida g‘alaba qozonish uchun harakat qilishimiz kerakligini bilardik” - dedi argentinalik murabbiy Infobae bilan suhbatda.
