"ПСЖ" собиқ бош мураббийи Маурисио Почеттино Париж клуби лойиҳасини АПЛ клублари билан солиштирди.

7 июль куни "ПСЖ" 50 ёшли аргентиналик мураббийни истеъфога чиқарганини эълон қилганди.

"Ливерпуль" ва "Манчестер Сити" узоқ муддатли лойиҳага ишонишади ва мураббийга имконият беришади". "ПСЖ" ва мен 15 очко фарқ билан Лига 1да ғалаба қозондик, аммо "Реал" томонидан Чемпионлар лигасидан чиқариб юборилдик ва албатта, муаммолар бўлишини тушундик. "Манчестер Сити" "Реал"га мағлуб бўлди, беш дақиқа ичида учта гол ўтказиб юборди, лекин кейинги ҳафта Холанд билан шартнома имзолади, мураббийга қайта кашф қилиш, ечим топиш ва Премьер-лигада ғалаба қозониш имкониятини берди" - деди Почеттино.

Мураббий ҳар доим клуб лойиҳаларини солиштиришга ҳаракат қилишини таъкидлади.

“Лойиҳалар турли хил бўлади. "Манчестер Сити" етти йилдан бери бир мураббийга ишониб келади, "ПСЖ" эса зудлик билан ғалаба қозониб, миллий чемпионатда эмас, Чемпионлар лигасида ғалаба қозониши керак. Бу бошқача ва мен буни қабул қиламан. Бу танқид эмас. "ПСЖ"га келганимизда, агар бу лойиҳани давом эттиришни истасак, Чемпионлар лигасида ғалаба қозониш учун ҳаракат қилишимиз кераклигини билардик” - деди аргентиналик мураббий Infobae билан суҳбатда.