"Everton" "Chelsi" hujumchisi Mishi Batshuayiga qiziqish bildirmoqda, deb xabar beradi TalkSport.
Manbaga ko‘ra, mersisaydliklar 28 yoshli belgiyalik futbolchini shu yozda "Tottenxem"ga ko‘chib o‘tgan Risharlisonga o‘rinbosar sifatida ko‘rmoqda.
O‘tgan mavsumda Batshuayi "Chelsi"dan ijara asosida "Beshiktosh"da o‘ynadi. U turk jamoasi safida barcha musobaqalarda 42 ta o‘yinda maydonga tushib, 14 ta gol va 5 ta golli uzatmaga mualliflik qilgan.
Transfermarkt.com portali futbolchining narxini 10 million yevroga baholamoqda.
